الشلل الدماغي عند الأطفال- قصة أم مع الشلل الدماغي

Posted 21 November, 2016 by Guest Writer in عربي / 1 Comment

image3

 Cerebral Palsy انا اسمى مى وانا ام لطفل جميل اسمه زياد عنده شلل دماغى او

CPيعنى ايه 

 هو مصطلح يطلق على عدد من الحالات العصبية اللى هى سببها مشكلة فى اجزاء الدماغ المسئولة عن التحكم بالعضلات وبالتالى بتاثر على الحركة والتناسق عند الطفل

 

: CPاسباب ال

  عدوي للأم خلال فترة الحمل Infection 

ضغط دم قليل عند الام خلال فترة الحمل

image4

I fight CP with my son. What’s your super power?!

مشاكل فى الولادة نفسها

جلطه او نزيف فى دماغ الطفل

تغييرات فى الجينات اللى بتاثر على نمو المخ

الولادات المبكرة Premature delivery

 فى معظم الحالات بيكون السبب مش معروف

  •  

:CPاعراض ال

تيبس العضلات او رخاوة العضلات

ضعف العضلات

حركات عشوائية او غير متناسقة للجسم

مشاكل فى التوازن والتناسق للجسم

قد يوجد مشاكل تانية مرتبطة بالشلل الدماغي مثلا مشاكل في النظر او السمع او صرع او توحد او قلة تركيز او التأثير علي درجة ذكاء الطفل  

:للاسف لا يوجد شفاء للشلل الدماغي لكن فى طرق كتيرة لتحسين الحالة مثل

  • العلاج الطبيعى Physiotherapy
  • العلاج المهنىOccupational therapy
  • علاج التخاطب Speech and Language therapy
  • العلاج الحسى Sensory therapy
  • علاج السلوكيات Cognitive and behavior therapy

 

ويوجد أيضا أدويه لعلاج تيبس العضلات وفى عمليات جراحية لتحسين قوة العضلات

 

الشلل الدماغ مش بيتقدم او بيزيد او بيقل مع الوقت. يعنى لو حصل هو حصل فى الوقت ده ومش بيتغير مع مرور الوقت. لكن عدم العلاج فى الوقت المناسب  ممكن يسبب مشاكل اكتر فى مراحل لاحقة من حياه الطفل

 

طبعا انا اول ما الدكاترة قالولى ان ابنى عنده شلل دماغي انا ماكنتش فاهمة حاجة ومكنتش اعرف اى حاجة من اللى انا قولته ده. بس انا قريت كتير وسافرت كتير وتدخلت فى كل حاجة الدكاترة كانو بيقولوها ومستسلمتش للواقع.

 

اهم حاجة انك تحمدي ربنا الاول وتتقبلي الواقع. ومتخليش اى حاجة تقف فى طريق تعاملك مع ابنك او بنتك و لا تبخلي عليه بالعلاج والاهتمام والحب اولا. محدش هيعلمه حاجة غيرك!

 

انا الدكاترة قالولى ان ابنى مش هيعيش الاول لما كان فى الحضانه (وهو قعد فيها اول 4 شهور من حياته). وبعدين قالولى انه من بيشوف ومش حيسمع وحيقعد على كرسى متحرك. انا بدات رحلة العلاج الطبيعى مع زياد ابنى وهو عنه 10 شهور ورحلة التطوير البدنى/الذكائى وهو عنده سنتين. زياد دلوقتى عنده 6 سنين. الحمد لله ، زياد بيشوف وبيسمع ومشى وهو عنده 3 سنين. طبعا مش مشي مثالي لكن بيمشى. وبالعلاج بدأ يتكلم كلمات بسيطة وبيعبر عن نفسه واحتياجاته.

 

هى رحلة صعبة وطويلة بس مهمة ومحدش حيعملها بنجاح غيرك لانه فى الاخر ابنك ومن حقه يعيش حياه طبيعية ويلعب وينبسط.

 

ولأن انا كان نفسى حد يساعدنى فى الاول وكنت بدورعلى الدعم النفسي انا عملت جروب للأهل على الفيسبوك وهو هدفه اننا نتعرف على عائلات زيينا وعندهم نفس ظروف ابنى وازاى ممكن نتشارك مع بعض فى الامور الطبية والمشاكل اللى بنتعرضلها يوميا والحلول اللى بنعملها – يعنى نتعلم من بعض – وكمان نتشارك فى الوصول الى الدكاترة المتخصصة فى مصر وخارج مصر طبقا للتعامل السابق معاهم من خلال بعض ونكون سند لبعض فى الاوقات الصعبة

تنويه: أنامش دكتورة او اخصائية طبية. انا بس أم بحب اساعد الغير بدافع الحب والامومة وكل الكلام فى المقالة دى من رايي الشخصى.

 

مي عبد الجواد 

 

 

Tags:


One Response to “الشلل الدماغي عند الأطفال- قصة أم مع الشلل الدماغي”

Leave a Reply