شراهة الاكل…جوع أم توتر

Posted 28 February, 2016 by Nancy Elsohafy in عربي / 1 Comment

emotional eating

“أمّا أحمّر شويه بطاطس”مين فينا مقالش او مقالتش الكلمه دي الساعه ٢
بالليل؟ هذه اللحظه الفارقه اللي بتجيلنا في أوقات المفروض نكون فيها في
سابع نومه، أو مثلا بنقيم الليل تضرعا لرب كريم لقضاء حاجتنا و المغفره.
و يا سلام بقي لو واحنا واقفين في المطبخ علي مالبطاطس تتحمر نعملنا كام
ساندوتش علي برطمان مخلل و ٢ لتر حاجه ساقعه، و نلتهم الوجبه دي كأنها
حته بسكوته ،نحبس بشاي و ندخل ننام و احنا ايه بقي حاسين بالراحه و
الاطمئنان كأن الوليمه دي كانت حضن كبير أو مثلا مديرك في الشغل بيقولك
حتترقى.
و نصحى الصبح، و يا ريت اللي جرى ما كان، الحموضه و المغصات و كل واحد و نصيبه!
ليه بنعمل كده في نفسنا؟ عشان أثبتت الدراسات إن الطعام المليئ بالسكر و
الدهون يساعد على إفراز ماده الدوبامين و هي ماده بتدّي إحساس بالسعاده.
السبب ورا طريقه الأكل النهم ده هو الضغط العصبي و التوتر. طريقه الجسم
للتعامل مع الأحاسيس السلبيه.
إمتي نقلق؟ نقلق لما بعد الوجبه الغير صحيه و غير منطقيه نبتدي نحس بذنب
رهيب و بالخجل و في مراحل متطوره نبتدي نخطط لما نكون لوحدنا حناكل ايه و
نحط نفسنا في دايره قاتله (الأكل-الذنب-الإحباط-
الأكل-الذنب-الإحباط….و هكذا) الموضوع هنا مبقاش ضغط عصبي عابر و
بنرّوّح عن نفسنا، أصبح سلوك مرضي.
بالتالي كتبت الدكتوره جوديث بيك (هي دكتوره نفسيه و متخصصه في العلاج
السلوكي المعرفي) كتاب اسمه (the Beck Diet solution)الكتاب ده بيشرح
ازاي ممكن نفقد الوزن الزائد و ميرجعش تاني عن طريق علاج سلوكنا الادراكي
و بالتالي ستتوقف تدريجيا شراهتنا في الطعام بهذا الأسلوب المرضي. الكتاب
بسيط في لغته و بيبدأ بخطوات بسيطه لتأهل القارئ للوصول للنتائج
المطلوبه.
الحل اللي بتقدمه الدكتوره بيك في كتابها عباره عن خطوات بناخدها علي
مدار ٦ أسابيع، ممكن نعتبرها زي واجب يومي.
الحل باختصار:
-لازم كل يوم حنعمل واجب مطلوب مننا
-الواجبات اليوميه في أول أسبوعين حتساعدنا في النظام الغذائي
-لو انتي/انت علي نظام غذائي فعلا أو عاوزين تحافظو علي وزنكو بردو
حتحتاجو أول أسبوعين للحفاظ علي النجاح على المدى الطويل
-حنحتاج كراسه-كروت بيضا-قلم
حقدملكو اول خمس أيام عشان يكون عندكو فكره أكتر عن الكتاب
اليوم الأول: إكتب/إكتبي مزايا فقدان الوزن
اليوم الثاني: إختار نظامين غذائين يكونو معقولين
اليوم الثالث: ناكل و إحنا قاعدين
اليوم الرابع:إدّي نفسك حقها
اليوم الخامس : ناكل ببطئ و بدرايه كامله
طبعا دي العناوين بس تحت كل واجب من دول في تفاصيل كتيره يجب اتباعها
بحذافيرها للوصول للنتائج المرضيه.
لو حد من أسرتك أو أصحابك بياكلو بشكل نهم أو وزنهم زاد و بيزيد
بإستمرار، لازم نعرف إن الإحتماليه الأكبر إن هذا الشخص بيمر بضغط عصبي
رهيب و ممكن إكتئاب لدرجه انه بيوجّه كل الأحاسيس السلبيه لاتجاهو هو/هي.
حاول تمدلهم يد المساعده بدل من التعليق علي وزنهم الزائد.
كتاب the Beck Diet solution متوفر في الأسواق في نسختين ، مطبوع و نسخه
للقرائه علي kindle أو kindle App.
تابعونا المره القادمه حنقدملكم مراجعه كامله للكتا

Tags: , , ,


One Response to “شراهة الاكل…جوع أم توتر”

Leave a Reply